ဆုပ်ကိုင်မိတဲ့ လက်ဖ၀ါးတိုင်း၊ အင်အားမဖြစ် ဘူးဟေ့

http://frankgardner.blogspot.com

တခါတရံ အားလပ်တဲ့ အချိန်လေးတွေကျရင် သီချင်း လေးတွေ နားထောင်ရင်း ကျွန်မရဲ့ စိတ်အစဉ်လေး တွေကို ဖြန့် ကျက်မိလေ့ ရှိပါတယ်။ ခုတလောမှာတော့ ကရင်နီရဲဘော်တွေ သီဆိုထားတဲ့ “ဆီဖြစ်မယ့် နှမ်းတ စေ့”၊ “ဖောင်ဖျက်စွန့် လွတ်ထွက်ခဲ့”၊ “အချိန်တန်ပြီး” စတဲ့ သီချင်းလေးတွေ၊ အဆိုတော် ဇော်ပိုင်သီဆိုထား တဲ့ “လမ်းဆုံ” သီချင်းလေးနဲ့ အမျိုးသားဒီမိုကရေစီ ပါ တီဝင် ဒီချစ်မျိုး ရေးသားခဲ့တဲ့ ကဗျာလေးကို ဂီတအနု ပညာရှင် ဦးရဲလွင်က သံစဉ်ထည့်ပြီးး သီဆိုထားတဲ့ “ပန်းရဲ့လမ်း” ဆိုတဲ့ သီချင်းလေးတွေကို နားထောင် ဖြစ်ပါတယ်။ ပန်းရဲ့လမ်း သီချင်းထဲမှာ ကျွန်မ အရမ်း ကြိုက်တဲ့ စာသားလေး တခုပါပါတယ်။ “ဆုပ်ကိုင်မိတဲ့ လက်ဖ၀ါးတိုင်း၊ အင်အားမဖြစ်ဘူးဟေ့” ဆိုတဲ့ စာသား လေးပါ။

ဒီစာသားလေးကို ကြားမိတဲ့ အခါတိုင်း ကျွန်မရဲ့ အတွေးလေးတွေက အကြောင်းအရာများစွာကို သတိရမိသွားတတ်ပါ တယ်။ ဒီအထဲမှာ လွန်ခဲ့တဲ့ ဆယ်နှစ်ကျော်က ဘုန်းကြီးပျံ ပွဲ ခရီးစဉ်လေး တခုလဲ ပါပါတယ်။ အဲဒီတုန်းက ကျွန်မက မန္တလေးမှာ ပညာသွားသင်နေတဲ့ အချိန်ပါ။ ဒါပေမယ့် ကျောင်းမပိတ်ရင်တောင် ကျောင်းလစ်ပြီးး တလတခါလောက် တောင်ကြီးကို ပြန်လေ့ရှိပါတယ်။ ဘာကြောင့်ရယ်လဲ မဟုတ်။ တောင်ကြီး- မန္တလေး ခရီးစဉ်လေးကို ကျွန်မ အတော်ပဲ စွဲစွဲလန်းလန်း ရှိပါတယ်။ အထူးသဖြင့် ရွာငံလမ်းလို့ ကျွန်မတို့ ခေါ်ကြတဲ့ တောင်ကြီး- အောင်ပန်း- ရွာငံ-ဟန်မြင့်မိုရ်- မန္တလေးလမ်းလေးကိုပါ။ ရွာငံကနေ မန္တလေးဘက် အထွက်မှာ ရှိတဲ့ ရှေးဟောင်းဘုရားတဆူကို သွားဖူးရတာ၊ စိုက်ပျိုး ရေးခြံတွေကို လိုက်ကြည့်ရတာ၊ ကားလမ်းပေါ်ကနေ လှမ်းမြင်ရတဲ့ မြစ်ရေပြင်ကြီးကို ငေးမောရတာတွေကို ကျွန်မ နှစ် သက်ပါတယ်။ ဒီဒေသထဲရောက်ရင် ကျွန်မ စိတ်တွေ လန်းဆန်းသွားတာပဲ။ ဒါကြောင့်လဲ ဒီဒေသကို ဖြတ်ပြီးတောင်ကြီးကို ခဏခဏပြန်ဖြစ်ခဲ့ပါတယ်။

တောင်ကြီးကို ပြန်ဖြစ်ရင်း တခါတလေ မြို့အနီးတ၀ိုက်က ရွာလေးတွေကို အလည်သွားဖြစ်ပါတယ်။ ဒီလိုနဲ့ အိမ်အပြန် ခရီး တခေါက်မှာတော့ သူငယ်ချင်းတွေက ဘုန်းကြီးပျံပွဲတခုကို သွားကြဖို့ အဖော်စပ်တာကြောင့် သွားဖို့စီစဉ်ဖြစ်ကြပါ တော့တယ်။ အဲဒီမှာတင် ဘယ်လိုသွားမှာလဲဆိုတဲ့ ပြဿနာက စတက်လာပါတယ်။ ဘုန်းကြီးပျံပွဲက ကျွန်မတို့ မြို့နဲ့ အ တန်ငယ် ဝေးပါတယ်။ တောင်တွေကိုဖြတ်ပြီး တောလမ်းကသွားရင် ငါးနာရီကျော်ကြာနိုင်ပါတယ်။ ဂျစ်ကားနဲ့ သွားမယ် ဆိုရင်တော့ နာရီအနည်းငယ်အတွင်းမှာ ရောက်နိုင်ပါတယ်။ ဒီလိုနဲ့ပဲ ကားနဲ့ သွားမယ့်သူနဲ့ လမ်းလျှောက်သွားမယ့် သူ တွေ နှစ်အုပ်စု ကွဲပါလေရော။ ကျွန်မကတော့ တောတောင်တွေ၊ မြစ်ချောင်းတွေကို နှစ်သက်လွန်းလို့ အချိန်အားရတာနဲ့ နီးစပ်ရာ တောလမ်းထဲ လမ်းလျှောက်ထွက် သွားလေ့ရှိသူဆိုတော့ ထုံးစံအတိုင်း တောလမ်းခရီးအုပ်စုထဲ ရောက်သွားပါ တော့တယ်။

ဒီလိုနဲ့ နံနက် ခြောက်နာရီ လူစုပြီးး၊ မွန်းမတည့်ခင် ရောက်အောင် ခရီးစနှင်ကြပါတယ်။ ကနဦးအစမှာတော့ အားလုံး ပျော်ပျော်ပါးပါးပါပဲ။ နှစ်နာရီ၊ သုံးနာရီလောက်ရောက်တော့ တချို့က စပြီးး ငြီးငြူလာကြပါတယ်။ တောလမ်းခရီးကို ရွေးမိ တာ မှားပြီးတဲ့။ ဂျစ်ကားနဲ့သာ လိုက်သွားမိရင် ခုချိန်ဆို ရောက်လောက်ပြီးလို့ ဆိုကြပါတယ်။ ခရီးကလဲ ကြမ်းသထက် ကြမ်းလာပါတယ်။ လမ်းပြပေးတဲ့ ပအိုဝ့်အမျိုးသားလူငယ်လေးကိုလဲ လမ်းမှန်ရဲ့လားလို့ လိုက်မေးကြပါတယ်။ တ ယောက်နဲ့တယောက်လဲ အပြစ်မြင်လာကြပါတယ်။ စထွက်စတုန်းက လမ်းချော်တတ်တဲ့ နေရာလေးတွေဆို တယောက် နဲ့ တယောက် လမ်းကမ်းပြီး ဖေးကူပေးကြပါတယ်။ အဲဒီစိတ်လေးတွေကလဲ တစတစ ပျောက်သွားသလိုပဲ။ တချို့ဆို နောက်လူတောင် မကြည့်တော့ပဲ တောင်အတက်လမ်းတွေမှာ ကိုယ့်ဘာသာကိုယ် တက်သွားတာတွေတောင် ရှိလာပါ တယ်။

အဲလိုနဲ့ လျှောက်လာလိုက်ကြတာ လေးနာရီကျော်လောက်အကြာမှာ ကံကောင်းချင်တော့ ရွာလေးတရွာကို ရောက်ပါ တယ်။ ဘုန်းကြီးပျံပွဲသွားမယ့် ခရီးသည်တင် ဂျစ်ကားတချို့လဲ အဲဒီမှာ ရှိနေပါတယ်။ အဲဒါနဲ့ ထွက်လာတဲ့ လူဆယ် ယောက် မျက်နှာချင်းဆိုင် ကြည့်လိုက်ကြပါတယ်။ ကားကြုံလိုက်ချင်သူတွေရှိရင် ဒီရွာက လမ်းဆုံပဲ မဟုတ်လား။ လေး ယောက်က ကားကြုံဆက်လိုက်သွားပါတယ်။ ကျန်တဲ့ ကျွန်မတို့ ငါးယောက်နဲ့ လမ်းပြကောင်လေးကတော့ ခရီးဆက် ထွက်ခဲ့ကြပါတယ်။ ဘုန်းကြီးပျံပွဲရောက်တော့ မွန်းတည့်ပြီးးနေပါပြီး။ ဆာလောင်နေကြပြီးမို့ ဝေနေတဲ့ ထမင်းထုပ်လေး တွေကို တန်းစီပြီး အမြန်ပြေးယူရပါတယ်။ ပြီးးတော့မှ နေအရမ်းမပူမယ့် တနေရာကို ရှာပြီးး မောမောနဲ့ ထိုင်စားမိကြပါ တယ်။ ကျောပိုးအိတ်ထဲ ထည့်သယ်လာကြတဲ့ ငါးခြောက်ကြော်၊ ပဲပုတ်ထောင်းကြော်လေးတွေကို ဝေမျှစားဖြစ်ကြပါ တယ်။ အဲဒီအချိန်မှာ ကျွန်မ သတိထားမိသွားတာတခုက ခရီးစထွက်လာကြတဲ့ သူငယ်ချင်းကိုးယောက်လုံး ထမင်းလက် ဆုံ မစားဖြစ်ကြတော့ပေမယ့် အဲဒီနေ့နံနက်ကမှ တွေ့ရတဲ့ လမ်းပြကောင်လေးနဲ့တော့ လက်ရေတပြင်တည်း ထမင်းစား ဖြစ်နေတာကိုပါ။

လူ့ ဘ၀ခရီးလမ်းကို လျှောက်ကြတာမှာလဲ ဒီလိုပဲ ကြုံရဦးမယ်လို့ ဒီတုန်းက ကျွန်မတွေးလိုက်မိပါတယ်။ ပန်းတိုင်တူ တိုင်းလဲ သွားကြတဲ့ လမ်းတွေက တူချင်မှ တူကြမှာပါ။ လမ်းလျှောက်ခရီးကို ရွေးပြီးးမှ ခရီးမဆုံးခင် ကားကြုံလိုက်ချင်သူ တွေလဲ ရှိချင်ရှိမှာပါ။ လူတဦးချင်းစီရဲ့ ခံနိုင်ရည်၊ စိတ်ဓာတ်နဲ့ ဇွဲ၊ လုံ့လတွေက မတူကြပါဘူး။ ကိုယ့်ကြမ္မာကိုယ်ဖန်တီးကြ ရတဲ့ ဘ၀တွေမို့ လမ်းဆုံမှာ လမ်းခွဲသွားမယ့် သူတွေကို အပြစ်တင်နေတာ၊ မသွားဖို့ တားနေတာတွေက အဓိပ္ပာယ် မရှိ လှပါဘူး။ အရေးကြီးတာက ကိုယ်သွားရမယ့် ပန်းတိုင်အတွက်၊ ကိုယ်နဲ့အတူ ခရီးဆက်မယ့် လူတွေရဲ့ လက်တွေကို ခိုင် ခိုင်မာမာ ဆုပ်ကိုင်ထားနိုင်ဖို့ပါပဲ။

အဲဒီသဘောတရားလေးတွေကို “ဆုပ်ကိုင်မိတဲ့ လက်ဖ၀ါးတိုင်း အင်အားမဖြစ်ဘူးဟေ့” ဆိုတဲ့ စာသားလေးက ပြန်ပြီး အ မှတ်တရ ဖြစ်စေခဲ့ပါတယ်။

ဘယ်လိုပဲဖြစ်ဖြစ် အင်အားမဖြစ်မယ့် လက်ဖ၀ါးတွေ အများကြီး ထိတွေ့ပြီး လက်ဖ၀ါးချင်း ထိခတ်နေတာထက်စာရင် အင်အားဖြစ်စေမယ့် လက်ဖ၀ါးလေးတွေပဲ မိမိရရ ချိတ်ဆက်လိုက်တာက ပိုပြီးး အကျိုးကျေးဇူးရှိမှာတော့ အမှန်ပါပဲ။

ခင်မမမျိုး (၂၇၊ ၁၊ ၂၀၁၁)

သိသင့်သော တီထွင်သူများ

**ကင်မရာ**

တီထွင်သူ ....၀ီလျံတောလ်ဘော့စ် ၊ လူးဝစ်စ် ဒက်ဂူရီ ။
လူမျိုး ..........အင်္ဂလိပ် ။
ခုနှစ်............၁၈၃၅ ၊ ၁၈၃၉ ။
ရည်ရွယ်ချက်.....အမြဲစွဲထင်မယ့် ပုံရိပ်များဖန်တီးရေး ။
တိုးတက်မှူရလဒ်......ယနေ့ခေတ် ကင်မရာများ ။

**ကွန်ပျုတာ**

တီထွင်သူ ....ချားလ်စ် ဘက်ဘေ့ခ်ျ ။
လူမျိုး ..........အင်္ဂလိပ် ။
ခုနှစ်............၁၈၂၃ ။
ရည်ရွယ်ချက်.....ရှည်လျားစွာတွက်ချက်စစ်ဆင်နိုင်ရေး ။
တိုးတက်မှူရလဒ်......အသိပညာ နှင့် အီလက်ထရောနစ်ကွန်ပျုတာများ ။

**ခဲတံ**

တီထွင်သူ ....ဖက်ဘာမိသားစု ၊ အဲန်ဂျေကွန်တီ ။
လူမျိုး ..........ဂျာမန် ။
ခုနှစ်............၁၇၆၀ ၊ ၁၇၉၅ ။
ရည်ရွယ်ချက်.....စာရေးရန် ။
တိုးတက်မှူရလဒ်......ဖန် ၊ အ၀တ် ၊ ပလတ်စတစ်မှာရေးတဲ့ ခဲတံများ ။

**အက်တမ်**

တီထွင်သူ ....ဂျွန်ဒေါ်လန်တန် ။
လူမျိုး ..........အင်္ဂလိပ် ။
ခုနှစ်............၁၈၀၃ ။
ရည်ရွယ်ချက်.....ရုပ်ကို အသေးစိတ်ခွဲခြမ်းစိတ်ဖြာလေ့လာရေး ။
တိုးတက်မှူရလဒ်......အက်တမ်သီအိုရီ ၊ အက်တမ်စွမ်းအင် ၊ အဏုမြုဓာတ်ပေါင်းဖို ။

**ခြေတု လက်တုများ**

တီထွင်သူ ...အမ်ဘရော်စီ ပါရီ ။
လူမျိုး........ပြင်သစ် ။
ခုနှစ် ........၁၆ ရာစုအတွင်း ။
ရည်ရွယ်ချက် ....ခြေတု လက်တုများတပ်ဆင်ပေးရေး ။
တိုးတက်မှုရလဒ်....အခြားကိုယ်ခန္ဓာ အစိတ်ပိုင်းအတုများ ။


**မိုးပျံတိုက်**

တီထွင်သူ ...၀ီလျံ လေး ဘာရွန် ဂျင်နီ ။
လူမျိုး........အမေရိကန် ။
ခုနှစ် ........၁၈၅၃ ။
ရည်ရွယ်ချက် ....မြေနေရာ ပိုမိုရရှိရေး ။
တိုးတက်မှုရလဒ်....ခောတ်မီ မိုးပျံတိုက်ကြီးများ ။

**ပယ်နယ်စလင်**

တီထွင်သူ ...ဆာ အလဇန္ဒားဖလင်းမင်း ။
လူမျိုး........အင်္ဂလိပ် ။
ခုနှစ် ........၁၉၂၈ ။
ရည်ရွယ်ချက် ....ရောဂါပေးတဲ့ ဗက်တီးရီးယား နှိမ်နင်းရေး ။
တိုးတက်မှုရလဒ်....အခြားခုခံဆေးများ ။


**တယ်လီဖုန်း**

တီထွင်သူ ....အလက်ဇန္ဒား ဂရေဟမ်ဘဲလ်
လူမျိုး .........ကနေဒါ။
ခုနှစ် ............ ၁၈၆၀ ။
ရည်ရွယ်ချက် ..စကားပြောဆက်သွယ်ရေး ။
တိုးတက်မှုရလဒ် ....ယနေ့ခေတ် ဆက်သွယ်ရေး၊ မိုဘိုင်းဖုန်း

**စက်ရုပ်**

တီထွင်သူ ....ပိုင်ရာဂျီ ဂျက်ကွက် ဒရော့စ် ။
လူမျိုး ..........ဆွီဒစ်ရှ် ။
ခုနှစ်............၁၇၇၀ ။
ရည်ရွယ်ချက်.....လူသားတို့ အလုပ်စေခိုင်းခြင်း ။
တိုးတက်မှူရလဒ်......စက်ရုံသုံးစက်ရုပ်များ ။

**ရေဒါ**

တီထွင်သူ ....ရောဘတ် ၀ပ်ဆင် ။
လူမျိုး ..........အင်္ဂလိပ် ။
ခုနှစ်............၁၉၃၅ ။
ရည်ရွယ်ချက်.....ရန်သူ့လေယာဉ်ဝင်လာမှု သတိပေးစေခြင်း ။
တိုးတက်မှူရလဒ်......ရေကြောင်းသုံးကိရိယာ ။


**မီးရထား**

တီထွင်သူ ....ဂျော့စတီဗင်ဆင် ။
လူမျိုး ..........အင်္ဂလိပ် ။
ခုနှစ်............၁၈၂၅ ။
ရည်ရွယ်ချက်.....ခရီးသည်နဲ့ ကျောက်မီးသွေး သယ်ယူပို့ဆောင်ရေး ။
တိုးတက်မှူရလဒ်......ဒီဇယ်ရထား ၊ လျှပ်စစ်ရထား ။

** X _ ရောင်ခြည်**

တီထွင်သူ ....၀ိုင်ဟဲမ် ရွန်ဂျင် ။
လူမျိုး ..........ဂျာမန် ။
ခုနှစ်............၁၈၉၅ ။
ရည်ရွယ်ချက်.....ဓတ်မှန်ရိုက်ကူးရေး ။
တိုးတက်မှူရလဒ်......နည်းပညာ ၊ စက်မှု ၊ဆေးဝါးအတွက် အရေးပါတဲ့ ရောင်ခြည် ။

**မီးခြစ်ဆံ**

တီထွင်သူ ....ရောဘတ်ဘွိုင်လီ ၊ ဂျွန်ဂေါ့တာ ။
လူမျိုး ..........အင်္ဂလိပ် ။
ခုနှစ်............၁၆၈၁ ။
ရည်ရွယ်ချက်.....မီးထုတ်လုပ်ရေး ။
တိုးတက်မှူရလဒ်......မီးခြစ်အမျိုးမျိုး ။


**လျှပ်စစ်မီး**

တီထွင်သူ ....ဆာဟပ်ဖရီဒေဗီ ၊ ဂျေ ၊ ဒတ်ဘယ်လ်ယူစတား ။
လူမျိုး ..........အင်္ဂလိပ် ၊ အမေရိကန် ။
ခုနှစ်............၁၈၀၂ ၊ ၁၈၄၅ ။
ရည်ရွယ်ချက်.....အိမ်မီး ၊ လမ်းမီးထွန်းရန် ။
တိုးတက်မှူရလဒ်......ယနေ့ရောင်စုံမီးများ ။


**သာမိုမီတာ**

တီထွင်သူ ....ဂယ်လီလီယို ။
လူမျိုး ..........အီတာလီယန် ။
ခုနှစ်............၁၅၉၂ ။
ရည်ရွယ်ချက်.....အပူတိုင်းဖို့ ။
တိုးတက်မှူရလဒ်......ခေတ်မီလျှပ်စစ်သုံး အပူတိုင်းကိရိယာ ။

Taxi သမားတစ်ယောက်ကြုံခဲ့ရတဲ့ဟာလေးပေါ့..

မြန်မာလူမျိုး တော်တော်များများဟာ အင်္ဂလိပ်စာကို အကျွမ်းကြီး မဟုတ်တောင်
နဲနဲပါးပါးတော့ပြောနိုင်ဆိုနိုင်ကြပါတယ်။ ဆိုက်ကားသမား Taxi သမားကအစ၊
မြင်းလှည်းသမား အဆုံး နဲနဲပါးပါးတော့ ပြောတတ်ကြပါတယ်။ ဒါပေမယ့်လည်း
လူတိုင်းသတိထားရမှာက နိုင်ငံခြားသားတိုင်း အင်္ဂလိပ်စာမတတ်ဖူးဆိုတာပဲ။
ပြင်သစ် တော်တော်များများ အင်္ဂလိပ်စာဘက်မှာ အားနည်းပါတယ်။
ဒီအဖြစ်အပျက်ကလေးကတော့ Taxi သမားတစ်ယောက်ကြုံခဲ့ရတဲ့ဟာလေးပေါ့။
တစ်ခါကနိုင်ငံခြားသားတစ်ယောက် (ပြင်သစ်လူမျိုး) ကားငှားတယ်….
Taxi သမားကမေးလိုက်တယ်… သူတက်သမျှမှတ်သမျှလေးနဲ့ပေါ့…
Where u go?
Reclining Buddha. (လျောင်းတော်မူဘုရား)
ပြင်သစ်လူမျိုးက Buddha "ဗုဒ္ဓ" ကို"ဘုတ" ဆိုပြီးပြောလိုက်တော့… ကားသမားက
Yes. Yes. 1500 kyats.
Ok.
ဆိုပြီးထွက်သွားကြရော…. မိနစ် ၂၀ လောက်နေတော့ ရှုးရှုးရှဲရှဲနဲ့ပြန်ရောက်လာတယ်…


ဘာဖြစ်လို့လဲ မေးကြည့်တော့… ပြင်သစ်လူမျိုးက သူဘုရားသွားချင်တာကို သူ့ကို
တစ်ခြားနေရာခေါ်သွားတယ်တဲ့… ဒါနဲ့ ... ဘယ်ရမလဲ
ကားသမားကိုဖြဲတာပေါ့......(ပါးစပ်)
ခင်းဗျားကဘယ်ကိုခေါ်သွားတာလဲဆိုတော့…
ရန်ကုန်ဘူတာကြီးကိုတဲ့ သူပြောတယ် ဘူတာ ဘူတာ နဲ့ဆိုလို့
ရန်ကုန်ဘူတာကြီးကိုခေါ်သွားလိုက်တာလေတဲ့….
ကောင်းပါလေ့… ကောင်းပါလေ့.…့လို့ပဲ ပြောလိုက်ရတော့တယ်….
===============================================

တစ်ခါက Taxiကားသမားတစ်ယောက်ကလဲ ခရီးစဉ်ထွက်သွားတယ်… နိုင်ငံခြားသားတွေနဲ့ပဲ….
ကလော၊ အင်းလေး၊ တောင်ကြီး၊ မန္တလေး အစုံပေါ့…..
ကလောရောက်တော့ နှစ်ညအိပ်တယ်... နောက်တစ်နေ့မနက်စထွက်မယ်ဆိုတော့
မနက်အစောကြီး အရမ်းအေးပြီး ကားက နှိုးလို့မရဘူး… သွားတဲ့အချိန်ကလဲ
ဒီဇင်ဘာလကြီးဆိုတော့ အေးလိုက်တာမှာ ခိုက်ခိုက်ကိုတုန်နေတာပဲ…
ဒါပေမယ့်ကားသမားကတော့ သူ့ကားနှိုးလို့မရလို့ ချွေးတွေပြန်ပြီး
ဒေါသတွေထွက်နေပြီ နိုင်ငံခြားသားတွေကလဲ ဘာဖြစ်တာလဲ..
ကားကတစ်လမ်းလုံးကောင်းနေပြီးတော့ အခုမှဘာဖြစ်တာလဲဆိုပြီး ပွစိ ပွစိ
နဲ့ပေါ့… ဒါနဲ့ကြံရာမရတဲ့အဆုံး ကားသမားက ဟိုတယ်ကနေ
မီးတုတ်တစ်ခုတောင်းလိုက်တယ်…. နောက်ပြီးကားအောက်ထဲကို ဖင်ဘူးတောင်းထောင်
အောင်ကုန်းပြီး ကားအင်ဂျင်ကို အပူပေးတော့တာပဲ… Heat
တိုက်တယ်လို့လဲခေါ်တယ်လေ… အဲဒီမှာတင် နိုင်ငံခြားသားတွေအကုန်လုံး
ပြူးပြူးပျာပျာ တွေဖြစ်ကုန်ပြီး ကားနားလေးကနေ၀ုန်းကနဲ
ကိုထွက်ပြေးကုန်ကြတယ်… ပြီးတော့ အနားလဲမကပ်ရဲ… ကားသမားကလဲ အားရပါးရကို
မီးတုတ်ကြီးနဲ့ ဖင်ကြီးကုန်းပြီး Heat တိုက်လို့ကောင်းတုန်း…
အင်ဂျင်ပူလောက်ပြီထင်မှ ကားအောက်ကနေထွက်လာတယ်… အဲဒီမှာတင် ခေါင်းဆောင်
နိုင်ငံခြားသားကမေးလိုက်တယ်…
Are u crazy?
အာ ယူ ကလေးစီး… တဲ့....
ကားသမားလဲ နဂိုကမှ ကားစက်မနိုးလို့ဒေါသထွက်နေရတဲ့အထဲ အခုလိုလာပွားတော့
တင်းသွားပြီး
This is not ကလေးစီး. This is လူကြီးစီး……. ဆိုပြီးတော့ ပြောလဲပြော
ကားပေါ်လဲတက်ပြီး စက်နှိုးလိုက်တာ ၀ူး….
ကနဲနိုးသွားပြီးလိုရာခရီးကိုဆက်သွား ခဲ့ရတယ်လေ….
အဲဒီမှာတင်နိုင်ငံခြားသားတွေက မီးတုတ်ကြီးတွေမြင်တိုင်း

လူကြီးစီး.......လူကြီးစီး… ဆိုပြီးထအော်တော့တာပဲ….။


*

သိပ်သိတာပေါ့

**(အရက်သမားလောက ဟာသများ)**
ကုမ္ပဏီတစ်ခု၏ ကော်မတီ အစည်းအဝေးပွဲတွင် အသင်းဝင်တစ်ယောက်မှာ ထိန်း မနိုင်၊ သိမ်းမရ မှုးနေ၏။ ထိုအစည်းအဝေးပွဲတွင် ယာယီအရာရှိနှင့် အမြဲတမ်းအရာ ရှိ လျာထားခန့်အပ်ရေးကို မေးမြန်းဖို့ အခြေနေ ရောက်လာသောအခါ မှုးနေသူက စကားပြောရန် ထရပ်လိုက်သည်။ ထိုအခါ ဘေးနားမှာ ရှိသူက...
“ထိုင်စမ်းပါဗျာ။ ခင်ဗျား သိပ်မှုးနေပြီ။ ယာယီနဲ့ အမြဲတမ်းဘာကွာလဲ ဆိုတာကို တောင် ခင်ဗျား သိမှာမဟုတ်ဘူး”
ထိုအခါ အမှုးသမားက...
“အိုး၊ သိပ်သိတာပေါ့။ ကျုပ် အခုမှုးနေတယ်။ အဲဒါယာယီ၊ တစ်ခဏပဲ။ ဒါပေမဲ့ ခင်ဗျားက လုံးဝ အသုံးမကျတဲ့ ငတုံးကြီးဗျ။ အဲ...ဒါကတော့ အမြဲတမ်းပဲ”

အဆိုးတွေ မွှေနေပါတဲ့၂၀၁၁ အစ.............

အော်........၂၀၁၁ ကို ကောင်းသောနှစ်သစ်ဖြစ်ပါစေ ဆုတောင်းလို့မှ မပြီးသေးဘူး လာပြီ အခန်းကျဉ်းလေးထဲမှာနေရကာမှ BBC ကမ္ဘာ့သတင်းတွေကို မပြတ်ကြည့်နေရတော့ ကမ္ဘာကြီးရဲ့ ဖြစ်ကြောင်းစုံလင်ကို ချက်ချင်းဆိုသလို သိမြင်နေရသည်။အဆိုးတွေ ....အဆိုးတွေ၊ သြစတေးလျမှာ ရေကြီး တယ်။တော်တော်ကြီးကို ရေကြီးတာ။ကိုယ်တို့နေထိုင်ရာ သီရိလင်္ကာနိုင်ငံလေးရဲ့ အလယ်ပိုင်းနဲ့ အရှေ့ပိုင်းဒေသ တွေမှာလည်း ရေတွေကြီး သန်းနဲ့ချီတဲ့လူတွေ နေစရာ စားစရာမရှိဖြစ်ကြ။သေတဲ့သူသေ ဒုက္ခရောက်သူရောက်နဲ့။ မနှစ်က ဒီအချိန်မှာ ပူပြီးပန်ကာဖွင့်နေရတဲ့ ကိုလံဘိုမြို့မှာတောင် အေးနေတယ်။နောက်ထပ်ဖြစ်ပြန်တာက ကိုယ်တို့နဲ့ရင်းနှီးတဲ့ ကာကာတို့ ရော်နယ်ဒင်ဟိုတို့ရဲ့ ဘရာဇီးမှာလည်း ရေတွေကြီး မြေတွေပြိုနေလို့ လူရာနဲ့ချီပြီးသေကြတာတဲ့လေ....။သြော် ဆိုးရွားလှတဲ့ ရာသီဥတုတွေပါပဲလား.........။မြန်မာပြည်မှာတော့ မိုးရာသီ မဟုတ်ပါဘဲနဲ့ မိုးတွေရွာလို့ ထီးဆောင်းပြီး မိုးရေစိုကြီးမှာ လူတွေ ထီးတွေနဲ့သွားလာနေကြတာ တွေ့မြင်ရပါတယ်။ ကိုယ်တို့လူဖြစ်လာပြီး တော်တော်ကြီးလာသည် အထိ ဆောင်းတွင်းကြီး မိုးရွာတာ မကြုံဘူးခဲ့။ လွန်ခဲ့တဲ့ လေးငါး ခြောက်နှစ်လောက်ကစပြီး ရာသီဥတု စဖောက်လာခဲ့သည်။ ဒါကြောင့် ကိုယ့်နယ်က ကိုယ်တော်တစ်ပါး ဆောင်းတွင်းရွာပြန်တော့ လမ်းခုလတ်မှာအိပ်နေတုန်း ညကြီးမင်းကြီး ခေါင်မိုးကနေ မိုးတွေ ဖျောက်ဖျောက် ကျသံ ကြားရတော့ " ဟ ......ဆောင်းတွင်းကြီး မိုးတွေ ကျလို့ပါလား " ဆိုပြီးအံ့အားသင့်မိကြောင်းစိတ်ညစ်ညစ်နဲ့ ပြန်လည်ပြော ပြတာကို မြင်ယောင်မိပါတယ်။ ဖတ်ခဲ့ဖူးတဲ့ ဆောင်းပါးတစ်ပုဒ်မှာဆိုရင် အရင်က ရေခဲပြင်စကိတ်စီးနေရတဲ့ နိုင်ငံကခါတိုင်းအချိန်အေးနေကျမှာ မအေးပဲ နှင်းမကျတော့တာကြောင့် အရင်လို စကိတ်မစီးရတော့ကြောင်း။ အရင် နှင်းမကျ တစ်ခါမှ မအေးဘူးတဲ့နိုင်ငံကလည်း အဲဒီနှစ်ကျမှ ထူးထူးခြားခြား အေးခဲပြီး နှင်းတွေ ကျလာတာကြောင့် လူတွေဟာ စကိတ်ကွင်းတွေလုပ်ပြီး စကိတ်စီးကြကြောင်း ဖတ်ရပါတယ်။ ဒါဟာ တကယ်ပဲ လူတွေရဲ့သဘာဝတရားကို အလေးမထားပဲ စက်ရုံတွေဆောက် မီးခိုးတွေ အဆမတန် ထုတ်လွှတ်တာတွေကြောင့် အိုဇုံးလွှာတွေ ပါးလာတာရယ်။ရေခဲတောင်တွေ အရည်ပျော်လာတာတွေရယ်ကြောင့် ရာသီဥတုတွေ ပြောင်းလဲ ဖောက်ပြန်ကုန်ပါပြီ။ ဒီအတိုင်းသာ ရှေ့ဆက်သွားကြမယ်ဆိုရင်တော့ ငါတို့နေထိုင်ရာ ကမ္ဘာကြီး အသက်ငင်တော့မယ် ထင်ပါရဲ့။ ဒီကိစ္စ ဒီပြဿနာကို တစ်ဦးတစ်ယောက်တည်း လုပ်ရုံနဲ့ဘယ်လိုမှ မရနိုင်တာ လူတိုင်းသိပါသည်။ခေါင်းဆောင်တွေက ဦးဆောင်ကာ ပြည်သူတွေကို တားမြစ်သင့်တာ တားမြစ်ရပါမည်။ထားပါတော့...........။
နောက် သတင်းဆိုးတစ်ခု က အမေရိကန်ပြည်ထောင်စု အရီဇိုးနား လွှတ်တော်အမတ်ကို သေနတ်သမားက ပစ်ခတ်တဲ့သတင်း။လူခြောက်ယောက် ပွဲချင်းသေဆုံးပြီး ကျန်လူတွေ ဒဏ်ရာပြင်းထန်စွာရရှိသွားပါတယ်။ ဆူဒန်နိုင်ငံမှာတော့ နိုင်ငံနှစ်ခြမ်းကွဲမယ့် အခြေအနေရောက်နေပါတယ်။နောက် တူနီးရှားမှာလည်း ရုတ်ရုတ်သဲသဲနဲ့ ဆန္ဒပြနေတာ တွေ့ရပါတယ်။ ဒါ ၂၀၁၁ ရဲ့ ပုံရိပ်ဆိုးတွေ ကို ရှင်းလင်းစွာမြင်နေရ၊ကြားနေရတဲ့ အပိုင်းအစလေးတွေပါပဲ နောက်ကော ဘာတွေဖြစ်လာအုံးမလဲ.............။ အဆိုးတွေအစား အကောင်းတွေ လာပါစေ ဆုတောင်းရင်း...................။
ကမ္ဘာကြီး ကျန်းမာပါစေ.........ဟု။

အားနာလိုက်တာ

အရှင်ဇဝန Wednesday, 05 January 2011 14:15 အောက်မေ့ဖွယ်

အမှောင်ထဲမှ အလင်း၊ အပူထဲမှ အအေး၊ ကူးပြောင်းကာစ ကြုံတွေ့ရမှုများက ပြင်ဆင်ထားခြင်း မရှိသော သူတယောက်အတွက် အခက်အခဲ များစွာကြုံရပါတယ်။ ရောက်ရှိ တွေ့ကြုံရမယ့် အခြေအနေတွေက ခန့်မှန်းမထားမိ၊ မတွေးထားမိတော့ အံဝင်ခွင်ကျ မဖြစ်ဘဲ ရင်ဆိုင်ရမယ့် အခြေအနေတွေကို လိုက်မီအောင် မနည်း ကြိုးစားရတာတွေ ရှိပါတယ်။

ဒေါ်အောင်ဆန်းစုကြည် နေအိမ်အကျယ်ချုပ်က လွတ်လာပြီးနောက်တနေ့ အဖွဲ့ချုပ်ရုံးမှာ လူထုကြီးကို မိန့်ခွန်းပြောတဲ့ထဲမှာ ဟန်းဖုန်းကို ဘယ်လိုကိုင်ရမှန်း မသိတာကို ထည့်ပြောသွားတော့ အပြင်လောကက လူတွေအတွက် တမင် ဟာသ ပြောတယ်လို့ ထင်ကြမှာပဲ။ တကယ်က ဒီလို အတွေ့အကြုံမျိုးကို ဦးပဉ္ဇင်းလည်း ကြုံဖူးတယ်။

၂၀၀၉ စက်တင်ဘာ ၁၈ ရက်နေ့က ဦးပဉ္ဇင်းတို့ ထောင်ကလွတ်တယ်။ အသိမိတ်ဆွေ ဝန်ထမ်းတချို့ရဲ့ ကြိုတင် အကြောင်းကြားထားမှုကြောင့် တပည့်ဦးပဉ္ဇင်းတွေ၊ မိတ်ဆွေတွေ၊ ညီအစ်ကိုမောင်နှမတွေ ကားတစီးနဲ့ ထောင်ဗူးဝမှာ လာစောင့်နေကြတယ်။ လူတရာကျော် လွှတ်ဖို့အရေး တနေ့လုံး စာရွက်စာတမ်းတွေထဲ လိုအပ်တာတွေ ရေးသွင်းနေလိုက်တာ ည ၇ နာရီထိုးလောက်မှ ထောင်အပြင်ကို ရောက်တယ်။

ဒါတောင် နိုင်ငံရေးသမား ၅ ည ၇ ယောက်ကို သီးသန့်အစီအစဉ်နဲ့ အမြန်ခေါ်ထုတ်သွားလို့။ ရိုးရိုးအကျဉ်းသားတွေက တညလုံးထိုင်စောင့်ရတယ်လို့ နောက်မှ ပြန်သိရတယ်။ ထောင်အပြင်ဘက် ရောက်ရောက်ချင်း သွက်လိုက်တဲ့ သတင်းထောက်တွေ၊ ဘယ်က ဘယ်လို ဦးပဉ္ဇင်းရဲ့တပည့် ဦးပဉ္ဇင်းလေးရဲ့ ဟန်းဖုန်းနံပါတ်ကို ရသွားတယ်မသိဘူး။ ဖုန်းက မြည်လာတယ်။ ဦးဇဝနနဲ့ စကားပြောချင်လို့ပါတဲ့။

အပြင်လောကရောက်တာ ၁၅ မိနစ်တောင် မပြည့်သေးတဲ့ သူကို ဘယ်သူကများ ဖုန်းလာဆက်ပါလိမ့်လို့ ထင်လိုက်မိတယ်။ ကမ်းပေးတဲ့ ဖုန်းကိုယူပြီး ချက်ချင်းစကားပြန်ပြောတော့ ဘာသံမှ မကြားရဘူး။

“ဟေ့ မင်းဖုန်းက ဘာသံမှ မကြားရဘူး”

ဦးပဉ္ဇင်းက ဒီလိုပြောတော့ တပည့် ဦးပဉ္ဇင်းလေးက ဖုန်းကို လာကြည့်တယ်။

“ဟာ ဘုန်းကြီး၊ ဖုန်းပြောင်းပြန်ကြီး ကိုင်ထားတာကိုး” တဲ့။

တကားလုံး ဦးပဉ္ဇင်းကို ကြည့်ပြီး ရယ်စရာတွေ ဖြစ်သွားကြတယ်။ တခါမှလည်း မတွေ့ဖူးတဲ့ အတွေ့အကြုံတခုက အံဝင်ခွင်ကျ မဖြစ်တာ ကိုယ်တွေ့ပဲ။

ထောင်က ထွက်လာသူတယောက်အတွက် နောက်ကြုံတွေ့ရတဲ့ အခက်အခဲတခုက အားလုံးအသစ်တွေ ဖြစ်နေတာပါပဲ။ ၁၆ နှစ်ကျော် ကင်းကွာနေတဲ့ ဇာတိရွာကလေးဟာ ကိုယ့်အတွက် အသစ်ဖြစ်နေတယ်။ ဝါရှင်တန် အိုင်ဗင်ရဲ့ စာတပုဒ်ထဲက အနှစ် ၂၀ ကျော် တောကြီးမျက်မည်းထဲမှာ အိပ်ပျော်ပြီး ရွာကို ပြန်ရောက်လာတဲ့ ရစ်ဗင်ဝင်ကယ်လ်ရဲ့ အကြောင်းကို ဖတ်ရတုန်းက ကင်းကွာနေတဲ့ ပတ်ဝန်းကျင်ဟောင်းကို ပြန်ရောက်လာသူတဦးရဲ့ ရင်ဆိုင်ရပုံတွေဟာ ရယ်စရာကောင်းသလို ငိုစရာလည်း ကောင်းနေတယ်။

ကိုယ်တိုင် ရစ်ဗင်ဝင်ကယ်လ် ဖြစ်ရမှ “သြော် … သူတကယ် ကြုံလိုက်ရသလို ငါလည်းကြုံနေရပါလားလို့” ကိုယ့်ကိုယ်ကို တွေးမိတော့တယ်။ ပတ်ဝန်းကျင်ကို မမှတ်မိယုံတင်မကဘူး။ လူတွေကိုပါ မမှတ်မိတော့ဘူး။

ဦးပဉ္ဇင်းတို့ ထောင်ကလွတ်ပြီး ရက်ပိုင်းမှာပဲ ဦးပဉ္ဇင်းနဲ့ ဦးပဉ္ဇင်းရဲ့အမှုတွဲ ဦးစန္ဒောဘာသကို ဇာတိမြို့လေးဖြစ်တဲ့ ဒိုက်ဦးမှာ သိမ်ပြန်ထပ်တယ်။ ရက်ပိုင်းလေးအတွင်း ကောက်ခါငင်ခါ စီစဉ်လိုက်ရပေမယ့် မြို့ထဲက လာလိုက်တဲ့ ပရိသတ်ဟာ ကျောင်းဝန်းမဆန့်အောင် ပြည့်လျှံသွားတယ်။

မိတ်ဆွေဟောင်း ဆိုတာထက် ဦးပဉ္ဇင်းရဲ့ နိုင်ငံရေးအလုပ်တွေကို ထောက်ခံအားပေးတဲ့ သူတွေဆိုတာ ထင်ရှားတယ်။ သူတို့တွေက ဦးပဉ္ဇင်းတို့ရဲ့ အလုပ်တွေကို သဘောကျကြောင်း၊ အားပေးထောက်ခံကြောင်း ပြောချင်လို့ လာသူတွေက အများစုဖြစ်တယ်။ သူတို့နှုတ်ကနေလည်း ဦးပဉ္ဇင်းနဲ့ တသဘောတည်း ရှိကြောင်းကို ပြောပြကြတယ်။

သူတို့ပြောစကားကြောင့် ၁၆ နှစ် ဆိုတာ စိတ်ထဲမှာ တရက်လောက်ပဲကြာတယ်လို့ကို ခံစားလိုက်ရတယ်။ ခက်တာက သူတို့ကို မမှတ်မိတော့ခြင်းပဲ။ ကိုယ်ထောင်မကျခင်က ယဉ်ကျေးမှုသင်တန်းမှာ တက်ရောက်ခဲ့တဲ့ တပည့်တွေက သားတွေ သမီးတွေနဲ့ အိမ်ထောင်ရှင်တွေ ဖြစ်နေကြပြီ။ ဒီတော့ သူတို့ရဲ့ ၁၆ နှစ်အတွင်းမှာ ပြောင်းလဲသွားတဲ့ ဥပဓိရုပ်ဟာ ဘယ်လိုမှ ပုံဖော်လို့မရတော့ဘူး။

နှစ်ရှည်လများ ကင်းကွာနေရတဲ့ ပတ်ဝန်းကျင်ကို ပြန်လည်ဝင်ရောက်တဲ့အခါ ကြုံတွေ့ရတာတွေက ဝမ်းနည်းစရာ ကောင်းသလို အင်မတန် အားနာစရာ ကောင်းတာတွေလည်း ပါတယ်။

ဒိုက်ဦးမြို့မှာလိုပဲ မွေးရပ် ဇာတိရွာကို ရောက်တဲ့ အခါမှာ ကြုံတွေ့ရတာတွေကလည်း ပိုလို့တောင်ခံစားရတယ်။ တရွာလုံးက ဆွေမျိုးသားချင်းတွေ ချည်းပဲ။ ဦးပဉ္ဇင်းရောက်ပြီ ကြားတာနဲ့ အိမ်ပေါ်မှာ လူပြည့်ကျပ်သွားတယ်။ အိမ်ခြံဝန်းထဲမှာလည်း လူတွေအများကြီးပဲ။ သာမန် တခြားပြစ်မှုတွေကြောင့် ထောင်ကထွက်လာသူတွေနဲ့ မတူတဲ့ ပတ်ဝန်းကျင်ရဲ့ကြိုဆိုမှုပါပဲ။

သူတို့တွေ ကိုယ်လို မလုပ်နိုင်ပေမယ့် စိတ်ဓာတ်အားဖြင့်တော့ တသားတည်းဆိုတာကို ပြကြတာတွေတွေ့တော့ ခံခဲ့ရသမျှ ဒဏ်ရာတွေဟာ ချက်ချင်း အနာကျက်သွားသလိုပါပဲ။ ရွာက လူတွေရဲ့ ကြိုဆိုမှုက မြို့ပေါ်က လူတွေထက်တောင် ပိုပြီးရင်းနှီးတယ်ဆိုရမယ်။ အသားလေးကိုလာကိုင် လက်ကလေးကိုလာဆုပ်ပြီး -

“ဦးပဉ္ဇင်း ကျန်းမာရေးကောင်းတယ်နော်”

လူတိုင်းမေးတဲ့ စကားက ဒီတမျိုးတည်းပဲ။ ဦးပဉ္ဇင်းမှာ ခေါင်းငြိမ့်ပြီး လူတိုင်းကို အဖြေပေးနေရတယ်။ ဒါပေမယ့် လူတွေကိုတော့ တယောက်မှ မမှတ်မိဘူး။ အဲ့ဒီမှာ အဘွားအိုတစ်ယောက်က ဦးပဉ္ဇင်းလက်ကို အတင်းဆုပ်ကိုင်တယ်။

“အောင်မလေး၊ ကျန်းကျန်းမာမာ အသက်ရှင်လျက် ပြန်တွေ့ရသေးတယ်တော့ မမြိုင်ရေ၊ ညဉ်းသားကို လာကြည့်ပါဦး”

မရှိတော့တဲ့ ဦးပဉ္ဇင်းရဲ့အမေ နာမည်ကိုပါ တပ်ပြီး ငိုနေတယ်။ ဦးပဉ္ဇင်း စိတ်ထဲတော့ ဒီအဘွားအိုဟာ ငါနဲ့ တော်တော် ရင်းနှီးတဲ့သူ ဖြစ်လိမ့်မယ် ဆိုတာကိုတော့ တွေးမိတယ်။ ဒါပေမယ့် ဘယ်သူမှန်းမသိဘူး။ ဒါနဲ့ အနားမှရှိနေတဲ့ အစ်မကြီးကို

“အစ်မကြီး၊ သူက ဘယ်သူလဲ” လို့ ကပ်ပြီးမေးမိတယ်။

“အဲဒါ ကြီးကြီး မသိန်းကျင်လေ ” လို့ ပြန်ပြောတော့မှ ကြီးကြီး ပိုဝမ်းနည်းသွားပုံရတယ်။ အမေ့ရဲ့ အစ်မ၊ ငယ်ငယ်လေးတည်းက အမေလို နေလာခဲ့သူကို လုံးဝမမှတ်မိတော့ဘူး။ ၁၆ နှစ်ကျော် ကာလဟာ ကြီးကြီးကို အဖွားအိုတယောက် ဖြစ်သွားစေခဲ့ပြီ။

နောက်တွေးမိတိုင်း အားနာမဆုံးတဲ့ ကိစ္စတခုရှိသေးတယ်။ ထောင်ထဲမှာ ၁၆ နှစ်ကျော် နေခဲ့ရသူထံမှာ ရောဂါပေါင်းစုံကို လက်ဆောင်အဖြစ် ယူခဲ့ရမယ်ဆိုတာ သဘောပေါက်တယ်။ ထောင်က ထွက်ပြီး ရက်ပိုင်းအတွင်းမှာပဲ ကျန်းမာရေးစစ်ဆေးဖို့ မြေနီကုန်းနားက ဆေးခန်းကြီးတခုမှာ သွေးစစ်တာ တခုတည်းနဲ့တင် ငွေကျပ် ၅ သောင်းလောက်ကျသွားတယ်။

၁၆ နှစ်လုံး ရိက္ခာမပြတ်အောင် ပို့ပေးနေတဲ့ ညီအစ်ကို မောင်နှမတွေကိုလည်း အားနာရတယ်။ ဒီတော့ ဒီအခက်အခဲကို ဖြေရှင်းပေးမယ့်သူကို တောင့်တမိတယ်။ ဦးပဉ္ဇင်း ဆုတောင်းပြည့်တယ် ဆိုရမယ်။ ဦးပဉ္ဇင်းရဲ့ အခက်အခဲကို တပည့် ဦးပဉ္ဇင်းလေးကနေ တဆင့် ကူညီဖို့ ကမ်းလှမ်းလာတယ်။ သူကတော့ မရွှေဇီးကွက်ပဲ။

မြောက်ဒဂုံမှာ ရှိတဲ့ သုခဆေးခန်းကို ရောက်တော့ တကယ့် ဆွေမျိုးသားချင်းလို ဦးပဉ္ဇင်းကို ကြိုဆိုတယ်။ လိုအပ်တာတွေကို အားလုံးလုပ်ပေးတယ်။ ဆရာဝန်မလာခင် သူတို့ရဲ့ ရုံးခန်းထဲမှာ ဧည့်ခံတယ်။ အတွေ့အကြုံတွေကို မေးတယ်။ အားပေးစကားတွေ ပြောတယ်။

သူနဲ့ စကားကောင်းနေတုန်းမှာပဲ လူတယောက်ဝင်လာတယ်။ စားပွဲထိပ်က ထိုင်ခုံမှာ ဝင်ထိုင်ပြီးတော့ ဦးပဉ္ဇင်းနဲ့ စကားတွေ လာပြောတယ်။ ဦးပဉ္ဇင်းလည်း အလိုက်သင့် ပြန်ပြောနေရပေမယ့် ဘယ်သူမှန်းမသိဘူး။ ထောင်ကလွတ်လာပြီးကတည်းက အနားက လူတယောက်ကို အကူအညီတောင်းနေကျ မေးနေကျ စကားတခွန်းကို အဖော်ပါလာတဲ့ ဘုန်းကြီးကို မေးမိတယ်။

“သူက ဘယ်သူလဲ”

ဘေးက ပါလာတဲ့ ဘုန်းကြီးရော မရွှေဇီးကွက်ပါ အကြည့်တွေမှာ ထူးဆန်းနေတယ်။ အံ့သြတာ၊ သနားတာ၊ မယုံနိုင်တာ အစုံပါတဲ့ အကြည့်နဲ့ ဦးပဉ္ဇင်းကို သူတို့ ကြည့်နေတယ်။ ပြီးတော့ ပါလာတဲ့ ဘုန်းကြီးက -

“အဲဒါ ကျော်သူလေ”

ဦးပဉ္ဇင်း တကိုယ်လုံး အားနာတာရော၊ ရှက်တာရော မွှန်ထူသွားတယ်။ တနိုင်ငံလုံးသိနေတဲ့ မင်းသားကို ဦးပဉ္ဇင်း မမှတ်မိဘူး။

ရှက်ရှက်နဲ့ပဲ “အားနာလိုက်တာ ကိုကျော်သူရယ်၊ ဦးပဉ္ဇင်းသိတဲ့ ကိုကျော်သူက လွန်ခဲ့တဲ့ ၁၆ နှစ် ၁၇ နှစ်က ကိုကျော်သူလေ။ လုံးဝမမှတ်မိတာကို ခွင့်လွှတ်ပါ”

ဦးပဉ္ဇင်း တကယ် အားနာစွာနဲ့ပဲ ကိုကျော်သူကို တောင်းပန်လိုက်မိတယ်။ ကိုကျော်သူကတော့ ဦးပဉ္ဇင်းကို တော်တော် နားလည်တဲ့ပုံ ပေါက်တယ်။ ဘာမှကိစ္စမရှိတဲ့အကြောင်း သူက ပြောတယ်။ ဒီအကြောင်းကို ပြန်စဉ်းစားလိုက်တိုင်း ကိုကျော်သူကို အားနာမဆုံးအောင်ပဲ။

သူတစိမ်း

မုံရွာမြို့၊ မွေးရပ်မြေသို့ နောက်တစ်ခေါက်ခြေချမိပြီ။ နှစ်တွေဒီလောက် ကြာခဲ့ပေမယ့် ဘာမှ ထူးထူးခြားခြား ပြောင်းလဲသွားသည်တော့ မရှိ။ စက်ဘီး၊ ဆိုင်ကယ်တို့က အရင်တိုင်း တရစပ်သွားလာမောင်းနှင်နေကြသည်။ အလည်အပတ်လည်း မရောက်ဖြစ်ခဲ့။ ရန်ကုန်မှာ ဆေးကျောင်းပြီးတော့ နိုင်ငံခြားမှာ ပညာဆက်လက်သင်ဖို့ ပညာသင်ဆုရခဲ့သည်။ နိုင်ငံရပ်ခြားတိုင်းတစ်ပါးမှာ စူးစူးစိုက်စိုက် ပညာဆုံးခန်းတိုင်အောင် သင်ပြီးလို့ ခု တာဝန် ကျရာသို့ ရောက်လာခဲ့ခြင်းဖြစ်သည်။ တိုက်တိုက်ဆိုင်ဆိုင် ဒီကိုမှ ရောက်လာသည်။ ကျွန်တော်တာဝန်ကျစဉ် နေရမည့် အိမ်ကိုပင်ရောက်လာပြီ။ အိမ်က နှစ်ထပ်တိုက်လေးဖြစ်သည်။ လူခေါ်ဘဲလ်လေးနှိပ်လိုက်သည်နှင့် အထဲမှ အသက်လေးဆယ်ကျော်ခန့် လူတစ်ယောက်ထွက်လာသည်။

'ဆရာကိုကျော်စွာဆိုတာ ထင်တယ်ဗျ။ ကျွန်တော်က မောင်စိုးပါ' ဟုမိတ်ဆက်ရင်း အိတ်တွေကျွန်တော့ပေး' ဆိုကာ အိမ်ထဲသို့ ခေါ်ဆောင်သွားလေသည်။

'ဟုတ်ကဲ့ ကျွန်တော်ကျော်စွာပါ။ နည်းနည်းစောပြီးရောက်လာတာ အဆင်ပြေရဲ့လားမသိဘူး'

'ကိစ္စမရှိဘူး ဆရာ။ ကျွန်တော် အိမ်သန့်ရှင်းရေးကအစ အကုန်လုပ်ထားပြီးသား။'

'ကျေးဇူးဘဲ ကိုစိုး။ ဆရာတော့တပ်မခေါ်ပါနဲ့ဗျာ နည်းနည်းအနေရကျပ်သလိုဘဲ။'

'ဆရာက ကျွန်တော့ထက် ပညာတွေလည်း အများကြီးတတ်၊ အထူးကုဆရာဝန်ကြီးဆိုတဲ့ ဂုဏ်လည်း ရှိတော့။ ဒါပေမဲ့ဆရာက သုံးဆယ်တောင် မရှိလောက်သေးတော့ ဆရာ မခေါ်စေချင်ရင် ကိုကျော်စွာလို့ဘဲ ခေါ်ပါ့မယ်။ ဆရာခရီးပန်းလာတော့ နားချင်မှာဘဲ။ လိုတာရှိရင် ခေါ်သာခေါ်လိုက်၊ အားမနာနဲ့'

ဟုတ်သည်။ ရန်ကုန်က ကားတောက်လျှောက်မောင်းလာတော့ နားချင်သည်ကတော့ အမှန်။ အချိန်ကလည်း လင့်နေပြီဆိုတော့ အိပ်စက်အနားယူလိုက်သည်။ နောက်တစ်နေ့မနက် ကိုစိုးက မြို့ကို လှည့်ပတ်ပြမည် ဆိုသော်လည်း လမ်းကြိုလမ်းကြားကအစ ရင်းနှီးနေသူမို့ တစ်ယောက်တည်းသာ ထွက်ခဲ့သည်။ ခုလည်း ခါတိုင်းသွားနေကျ 'စိန်အိုးကြီး' လဘ္ဘက်ရည်ဆိုင်ဆိုသို့ တန်းတန်းမတ်မတ်ရောက်သွားသည်။ ဆောင်းတွင်းမို့ မနက်လမ်းလျှောက်ပြန်လာသူများ၊ မိသားစုလိုက် မနက်စာလာစားသူများနှင့် စည်ကားနေသည်။ ကျွန်တော်ကစိတ်ကြိုက် ပဲပလာတာနှင့် လဘ္ကက်ရည်မှာလိုက်ရင်း ပတ်ဝန်းကျင်ကို ငေးကြည့်နေမိသည်။ ငေးမိငေးရာ ငေးနေရင်းက လဘက်ရည်ဆိုင်ရှေ့က ဖြတ်လျှောက်သွားသော အမျိုးသမီးတစ်ယောက် ကိုသတိထားမိသည်။ အမှတ်မထင်မို့ မျက်နှာကို မမြင်လိုက်ဘဲ ကျောဘက်ကိုသာ တွေ့လိုက်ရသည်။ ဘာရယ်မှန်းမသိဘဲ သူ့ရဲ့အတိတ်က တစ်စုံတစ်ယောက်ကို သတိရသွားသည်။ မန္တဆေးတက္ကသိုလ်ကြီးမှာ သူတို့တွေ တွေ့ခဲ့ကြသည်၊ ပြီးတော့ ကွဲကွာသွားခဲ့သည်။ တစ်ယောက်ကိုတစ်ယောက်လည်း နှစ်နှစ်ကာကာ မြတ်နိုးခဲ့ပါလျက်နှင့် ရှင်ကွဲကွဲခဲ့ရခြင်းအတွက် ခုထိဘ၀င်မကျနိုင်သေး။ သူမကို ကျွန်တော်သဘောကျသည်မှာ သူမရဲ့အပြုံး၊ သူမက အခက်အခဲတွေ ဘယ်လောက်ကြုံရ၊ ကြုံရ အပြုံးမပျက်တတ်။ ပျော်ခဲ့ကြသည့် နှစ်နှစ်ကျော် သုံးနှစ်တာအတွင်းမှာ သူမ အပြုံးကြောင့် တစ်ခါတလေ စိတ်နွမ်းတတ်သည့် ကျွန်တော်ပင် အမောပြေရသည်။

ကျွန်တော်မှတ်မိသေးသည်။ ထိုရက်ပိုင်းအတွင်း သူမ စိတ်နွမ်းနေသယောင်၊ ကျွန်တော့်ကိုသာ အားယူပြုံးပြနေသည်ဟု ထင်သည်။ ကျွန်တော်လည်း သတိထားမိသည်။ သူမ မမူမှန်။ ဟိုတစ်နေ့က ကျောင်းဆောင် တစ်ခုက ထွက်အလာ ကျွန်တော်တို့ တစ်ယောက်ကို တစ်ယောက်မြင်လိုက်ပါလျက်နဲ့ မသိချင်ယောင်ဆောင်ကာ ထွက်သွားသည်။

ကျွန်တော် မနေနိုင်တော့....

'သဇင်... ခုတစ်လော ဘာတွေဖြစ်နေတာလဲ'

'သဇင် တစ်ခုခုကို အကြာကြီး အချိန်ယူစဉ်းစားနေတာ၊ မောင်။ ဘယ်လိုမှ ပြောမထွက်တဲ့ စကားတွေ ရှိနေတယ်။ မောင့်ကို သဇင်ချစ်ပါတယ်... ဒါပေမဲ့ ဘ၀က အခြေအနေမပေးတော့ တို့နှစ်ယောက်ဇာတ်လမ်း ဒီမှာဘဲ အဆုံးသတ်သင့်ပြီထင်တယ် မောင်'

'သဇင် ဘာတွေပြောနေတာလဲ.. ကိုယ် တစ်ခုမှ နားမလည်ဘူးကွာ'

'သဇင် ဆုံးဖြတ်ချက်ချပြီးသွားပြီ။ သဇင့်ကို မောင် တစ်သက်စာ ရည်ရွယ်ခဲ့မှန်း နားလည်တယ်။ သဇင့်မှာ ချို့ယွင်းချက်တွေ ရှိနေရင်လည်း မောင်က လက်ခံမှာဘဲ။ ဒါကြောင့်မို့လည်း ရှေ့မဆက်သင့်ဘူး။ ရှေ့အပတ်ထဲမှာ သဇင်ဆေးတက္ကသိုလ်က ထွက်မယ်။ သဇင်တို့မှာ မိသားစုတစ်ခုတည်ထောင်နိုင်မယ့် အခွင့်အရေးလည်း မရှိဘူး။ သဇင်တို့ခွဲခွာခြင်းဟာ အမုန်းမပါပါဘူး။ ဘာအကြောင်းကြောင့်လည်းတော့ မောင် မသိချင်ပါနဲ့တော့။ မောင် နားလည်ပေးမယ်လို့ ယုံကြည်တယ်နော်'

အဖြစ်အပျက်တွေက နားလည်ဖို့ မြန်ဆန်လွန်းလှသလို ကျွန်တော့်အိပ်မက်တွေလည်း ထိုနေ့မှာဘဲ အဆုံးသတ်သွားသည်။ သူမရဲ့ဆုံးဖြတ်ချက်ကို ကျွန်တော်လေးစားသည်။ သူက မိန်းမသားပေမယ့် ကျွန်တော့်ထက် စိတ်ဓာတ်ပြတ်သားသည်။ စောဒကတက် မေးခွန်းမထုတ်နိုင်ခင်မှာပင် အရာအားလုံးပြီးဆုံးသွားသည်။ ကျွန်တော်ကတော့ နောက်ဆုံးနှစ်တွေကို ရန်ကုန်ဆေးမှာ တက်ခဲ့သည်။ ပြီးတော့ နိုင်ငံခြားတွင် ဘာသာရပ်တစ်ခု အထူးပြုယူကာ ပါရဂူဘွဲ့ရယူခဲ့သည်။ ပျက်စီးသွားခဲ့သော အိပ်မက်အပိုင်းအစတွေကတော့ ရင်ထဲမှာ ရှိနေဆဲ။ တစ်ချိန်ချိန်များ ကုစားခွင့်ရသေးရင် ဟူသော အတွေးနဲ့ပေါ့....

'အစ်ကို ဘာလိုသေးလဲ' ပြောရင်း စားပွဲထိုးလေးက မှာထားသည်တို့ လာချမှ အတွေးစပြတ်သွားသည်။ စားစရာရှိသည်တို့ စားသောက်ပြီး အိမ်ပြန်နားနားနေနေ နေသည်။ နက်ဖြန် အမိမြေမှာ ပထမဆုံးအကြိမ် တာဝန်ထမ်းဆောင်ရမည်ဆိုတော့ စိတ်လှုပ်ရှားဖို့ကောင်းသည်။

ဆေးရုံဆေးခန်းဆိုသည်က လူတွေ မလာချင်ဆုံးသော နေရာ။ သို့ပေမဲ့ ပထမဆုံးစထိုင်သည့် ရက်မှာပင် လာပြသည့်လူတွေ များသည်။ ကူညီလုပ်ကိုင်ပေးနေရတော့လည်း ကျွန်တော် ကျေနပ်သည်၊ ကိုယ့်ရေမြေမှာ ကိုယ့်လူမျိုးတွေကို ကုသပေးရသည်မှာ ဂုဏ်ယူဖွယ်ရာပင်။ လူနာတွေ အဆက်မပြတ်သည်က ညနေပင်စောင်းလုပြီ။ အပြင်မှ ဆရာမ တစ်ယောက်က လူနာနာမည်တွေခေါ်ပေးနေသည်။ ရုတ်တရက် 'မခိုင်သဇင်' ဟုကြားလိုက်ရရာ ကိုယ့်ကိုယ်ကို မယုံကြည်နိုင်လောက်အောင် ဖြစ်သွားသည်။ နာမည်တူ၊ လူတူမရှားရှိတတ်တာဘဲဟုသာ စိတ်ဖြေလိုက်ရသည်။ တံခါးပေါက်ဆီကိုတော့ စိတ်လှူပ်ရှားစွာ စောင့်ကြည့်နေမိသည်။ ၀င်ရောက်လာသည်က ကျွန်တော်ရင်းနှီးနေသော၊ အင်း.... ရင်းနှီးခဲ့ဖူးသော အပြုံးတစ်ပွင့်နှင့် သဇင်။ သဇင်မှ သဇင်ပါ။ ဘယ်လိုနည်းနဲ့မှ မမှားနိင်ဘူး။ ရင်ထဲမှ အမည်မသိ အပျော်တစ်မျိုး ပျံ့နှံ့သွားသည်။ သူမကတော့ အမြဲတမ်းပြုံးဆဲပါလားနော်။ ပြီးမှ ကိုယ်နဲ့မှ မဆိုင်တော့သူတစ်ယောက်ဆိုတာ သတိဝင်သွားသည်။ ကျွန်တော်ကဘဲ အရင်နှုတ်ဆက်လိုက်သည်...

'သဇင် မတွေ့တာကြာပြီနော်။ ဒီရက်တွေမှာ နေမှကောင်းရဲ့လား'

'ရှင် ကျွန်မ ခိုင်သဇင်ပါ။ ဆရာက ကျွန်မကို သိနေတာကိုး။ ဟို... စိတ်မရှိပါနဲ့နော်။ကျွန်မက ဘယ်သူဆိုတာ မမှတ်မိဘူးရှင့်... "

မမျှော်လင့်မိသော တုန့်ပြန်မှူကြောင့် အံ့သြစိတ်နှင့်အတူ ခံပြင်းသလို ဖြစ်မိသည်။ ကျွန်တော့ရှေ့တွင်ရှိနေသူမှာ ကျွန်တော့်ရဲ့တစ်ချိန်တုန်းက သဇင်ပါ။ သူငယ်ချင်းတစ်ယောက်အနေနှင့် နှုတ်ဆက်သည်ကို ဘာလို့များ သူစိမ်းစိမ်း ဆန်ဆန် ငြင်းဆန်နေပါသနည်း။ အင်းလေ... သူမှ မမှတ်မိချင်တော့သည်ကို ဘာများတတ် နိုင် အုံးမည်နည်း။ ကိုယ့်မှာလည်း မာနရှိပါတယ်။

'သဇင် မမှတ်မိချင်တော့ဘူးဆိုရင်လည်း ရပါတယ်။ ကိုယ်တို့အကြောင်းက ပြီးခဲ့ပြီ မဟုတ်လား'

တစ်ခဏမျှ တိတ်ဆိတ်သွားသည်။

'ဆရာ့ကို သဇင် မမှတ်မိနိုင်တာကို ခွင့်လွှတ်ပါ။ သဇင် ဒီဆေးခန်းကို လာခဲ့တာကလည်း သဇင်ခံစားနေရတဲ့ ဝေဒနာအကြောင်းကို ဆရာနဲ့ဆွေးနွေးချင်လို့ပါ။ တစ်နေ့ကမှ ဒီဆေးခန်းမှာ နိုင်ငံခြားပြန် အထူးကုဆရာဝန်ကြီးတစ်ယောက် စထိုင်မယ်ကြားလို့ သဇင့်အတွက် မျှော်လင့်ချက်ရှိမလားလို့ လာပြကြည့်တာပါ'

သဇင်က သူ့အကြောင်းကို စ၍ပြောသည်။

'သဇင်ငယ်ငယ်တည်းက လူတွေကို သိပ်မမှတ်မိဘူး။ မေ့တတ်တယ်ဆိုပါတော့ ဆရာ။ နာမည်နဲ့ လူနဲ့မတွဲမိတာမျိုး။ ဒါကတော့ လူတိုင်းကြုံတတ်တာဘဲ ဆိုတော့ အမှူမဲ့အမှတ်မဲ့ နေမိပါတယ်။ သဇင်ဆေးကျောင်းစတက်ချိန်အထိ အဆင်ပြေနေပါသေးတယ်။ အဲ့တစ်နေ့၊ အဲ့ရောဂါဆိုးကြီး မရောက်လာခင်ထိပေါ့။' စသည်ဖြင့် သူမ ဝေဒနာ အရင်းခံလာပုံကို ပြောပြသည်။

ပြုံးနေသော သူမကပင်....

'သဇင်က ဒီဘ၀နဲ့နေလာတာ ကြာပါပြီ။ သဇင်ရဲ့အချစ်ဆုံးသူကို စွန့်လွှတ်ခဲ့ရတယ်။ မိသားစုဝင်တွေကိုလည်း အ်ိမ်မှာသာ ဘယ်သူကဖြင့် ဘယ်လိုနေထိုင်ပြောဆိုတတ်တယ် ဆိုတာသာ မှတ်သားပြီး ခွဲနေရတယ်။ အပြင်မှာ သူတို့နဲ့တွေ့ရင် ဘယ်လိုမှ မမှတ်မိဘူး ဆရာ။ သဇင် မျှော်လင့်ချက်တော့ ပျက်မသွားပါဘူး။ ဦးနှောက်နှင့် အာရုံကြော ဆရာဝန်ကြီးတွေလာတိုင်း သဇင်လာပြီး စုံစမ်းတိုင်ပင်လေ့ရှိပါတယ်။ အခု ဆရာက အထူးကုပါရဂူကြီးဆိုတော့ သဇင်အားတက်မိတာပေါ့။'

ဒီလိုနဲ့ဘဲ သူမဘ၀ရဲ့ ကျွန်တော် မသိခဲ့၊ မသိလိုက်ရတဲ့ တစ်ခြားဘက်ခြမ်းကို သိခွင့်ရလိုက်သည်။ စောစောက မာနနဲ့ ခံပြင်းစိတ်တို့က လွင့်စင်ပျောက်ကုန်သည်။ သဇင်ခံစားနေရသည်က မျက်နှာတွေကို မခွဲခြားနိုင်သော ရောဂါ။ 'မျက်နှာ မမြင်နိုင်ခြင်း' လို့ပြောရင် ပိုမှန်မည်။ တွေးမိတိုင်း အသည်းတစ်ဆစ်ဆစ် နာကျင်ရသည်။ တစ်ကမ္ဘာလုံး၏ ၂ ရာခိုင်နှုန်းသာ ခံစားရသော ရောဂါ.. ဘာကြောင့် ဖြူစင်သော သူမဆီမှ လမ်းမှား၍ ရောက်လာရသနည်း။

ဤ Prosopagnosia ခေါ်သော ရောဂါရှင်များမှာ သူငယ်ချင်း၊ မိတ်ဆွေများကို ဘယ်သူ၊ ဘယ်ဝါ ခွဲခြားနိုင်စွမ်းမရှိကြ။ မျက်နှာများကို မှတ်သားနိုင်သော ဦးနှောက်၏ မှတ်ဥာဏ် အစိတ်အပိုင်းတစ်ခု ချို့ယွင်းသွား၍ဖြစ်စေ၊ မျိုးရိုးလိုက်၍ဖြစ်စေ face blindness ဆိုသည်ကို ဖြစ်ပေါ်စေသည်။ ရောဂါအခြေအနေပေါ်မူတည်၍ ကိုယ်နှင့်အနေများသူတို့ကို မှတ်မိသူလည်းရှိသည်။ တစ်ချို့က သူငယ်ချင်းအသစ်တွေကိုသာ မမှတ်မိနိုင်ကြ။ သဇင်တို့လို အခြေအနေရောက်သူတို့ကတော့ ဘယ်သူ့ကိုမှ မှတ်မိ နိုင်မည်မဟုတ်။ ပညာရပ်များလေ့လာလိုက်စားလျှင်လည်း မှတ်ဥာဏ်အသစ်များကို ဖြစ်ပေါ်စေသော ဦးနှောက်အစိတ်အပိုင်းက သိပ်မစွမ်းဆောင်နိုင်တော့ပေ။ အခြေနေအမျိုးမျိုး၊ အစားစား ကွဲပြားကြသည်။

ဤရောဂါရှင်များအတွက် သူငယ်ချင်းအသစ်ရရန်လည်း ခဲယဉ်းသည်။ လမ်းမှာတွေ့လျှင် တစ်ဖက်က နှုတ်ဆက်သော်လည်း ကိုယ်က မည်သူမည်ဝါ မမှတ်မိတော့ ခက်သည်။ ရိုင်းသလိုဖြစ်သွားနိုင်သည်။ ကျွန်တော် မှတ်သားဖူးသော ရောဂါရှင်တစ်ယောက်အကြောင်း သတိရမိ၏။ သူကတော့ မျက်နှာ မမှတ်မိသည်က လွဲ၍ ကျန်မှတ်ဥာဏ်ပိုင်းက အလွန်ကောင်းသည်။ သူ့အလုပ်အင်တာဗျူးမှာတော့ မေးမြန်းသူက အနောက်တိုင်းဝတ်စုံ အနက်ရောင် ၀တ်ဆင်ထားသည်။ ထို့နောက် ခဏအပြင်ထွက်သွားသည်။ အနောက်တိုင်းဝတ်စုံ အနက်ရောင်နှင့် လူပြန်ဝင်လာတော့ သူက ခုန ပြောလက်စ စကားကို ဆက်ပြောသည်။ ထိုအလုပ်ကို သူမရခဲ့ပါချေ။ သူမှတ်မိသည်က အနက်ရောင် ၀တ်စုံသာ။ ပြန်ဝင်လာသည်က နောက်ထပ်စစ်ဆေးမေးမြန်းသူတစ်ဦးဖြစ်နေတော့သည်။ ကျွန်တော်ကိုယ်တိုင်ပင် ချစ်ရသူကို မှားယွင်းစွပ်စွဲမိပြီ...။

'သဇင်က ဆေးကျောင်းသူဟောင်းတစ်ဦးဆိုတော့ ဆရာအားနာစရာ မလိုပါဘူး။ ဒီရောဂါဟာ ဆေးပညာအတွက် အဖြေရှာစရာတစ်ခုဖြစ်နေဆဲ ဆိုတာ သဇင်နားလည်ပါတယ်။'

သဇင်ရဲ့ရောဂါအခြေနေ သိပြီဆိုတော့ ဆေးမှတ်တမ်းရေးပြီး သူ့ကို ကျွန်တော် ရက်ချိန်းပေးပြီး ပြန်လွှတ်လိုက်ရ၏။ သူ့ရဲ့ ကိစ္စမှာတော့ ငယ်စဉ်ကတည်းက ဖြစ်တည်လာသည့် developmental ဖြစ်ဖို့များသည်။ မတော်တဆမှူကြောင့် ရောဂါခံစားရသူတွေလည်း ရှိပြန်သည်၊ သူတို့ကတော့ အရင်က မျက်နှာခွဲခြားနိုင်စွမ်းရှိခဲ့သည်မို့ ချက်ချင်း မျက်နှာခွဲခြားနိုင်စွမ်း လျော့ကျသွားမှန်း သိကြသည်။ တစ်ချို့ developmental ရောဂါရှင်တွေဆိုလျှင် ရောဂါရှိမှန်းပင် မသိကြ။ ရုပ်ရှင်၊ မဂ္ဂဇင်းတို့တွင် ထိုရောဂါ အကြောင်းဖတ်မိမှ သိကာ စမ်းသပ်သိရှိကြသည်၊ ငိုယိုစိတ်ဆင်းရဲကြရသည်။

သြော်.. သဇင်ရယ်။ သူမ ပြောတာမှန်သည်။ မျက်နှာ မမြင်နိုင်သော ရောဂါသည် ယနေ့ဆေးလောကအတွက် စိန်ခေါ်မှူတစ်ရပ် အဖြစ် ကျန်ရှိနေဆဲ။ ဟားဗတ်ကဲ့သို့သော တက္ကသိုလ်ကြီးများမှာ ပုစ္ဆာတစ်ခုအဖြစ် သုတေသနပြု၊ အဖြေရှာနေဆဲ ဖြစ်သည်။ ဆေးနည်းဖြင့် ကုသပျောက်ကင်းဖို့ မဖြစ်နိုင်သေး။ မျက်နှာကို မမှတ်မိနိုင်ကြတော့ ရရာနည်းလမ်းကို အသုံးပြုကြရသည်။ နေထိုင်ရာ ပတ်ဝန်းကျင်တွင် အဆင်ပြေစေဖို့သာ မိမိနှင့်ပတ်သက်သူများ၏ ဓာတ်ပုံများပါသော ကင်မရာတစ်လုံး လည်တွင် ချိတ်ဆွဲစေသော နည်းကို လတ်တလောကမှ တီထွင်ခဲ့ကြသည်။ မိမိနှင့် အတူရှိနေသည့် အချိန်တိုင်းကို ဓာတ်ပုံရိုက်ထားကာ နောက်တစ်ခါထိုသူနှင့် ပြန်တွေ့လျှင် ကင်မရာမှ ဓာတ်ပုံများနှင့် တိုက်ကြည့်၍ မိမိတို့ ဘာတွေလုပ်ခဲ့ကြသည်၊ ဘယ်သွားခဲ့ကြသည် စသည်တွေးကြည့်ကာ အမည်တပ်၊ နာမည်ဖေါ်ရသည်။ သူတို့ရဲ့ဘ၀တွေဟာ ကိုယ့်ဘ၀မှာ ကိုယ်က သူစိမ်းတစ်ယောက်ပြန်ဖြစ်နေရသည်။

တစ်ချိန်က ကျွန်တော့်ရဲ့ ပဟေဠိလည်း အဖြေပေါ်ပြီ။ သဇင့်ရဲ့ ဆုံးဖြတ်ချက်ကို ကျွန်တော် သဘောပေါက်သွားသည်။ သဇင်က အသိအမြင်ရှိတဲ့ ဆေးကျောင်းသူလေး တစ်ဦး။ ဒီတော့ သူဖြစ်နေတာတွေကို တစ်နည်းနည်းနဲ့ ရှာဖွေတွေ့သွားခြင်းဖြစ်မည်။ သဇင်ပြောခဲ့သော စကားများကို ပြန်ကြားယောင်မိ၏။ 'သဇင့်မှာ ချို့ယွင်းချက်တွေ ရှိနေရင်လည်း မောင်က လက်ခံမှာဘဲ။' သဇင်တို့မှာ မိသားစုတစ်ခုတည်ထောင်နိုင်မယ့် အခွင့်အရေးလည်း မရှိဘူး။' ဒီရောဂါအကြောင်းကို ဟိုတုန်းထဲက သူအတော်အတန်သိပြီးပုံရသည်။ ဆေးတွေ့ရှိချက်အရ မျက်နှာ မမြင်နိုင်သော ရောဂါသည် မျိုးရိုးလိုက်ဖို့ ရာခိုင်နှုန်း ငါးဆယ်နီးပါးရှိသည်။ မစွန့်စားလိုသော သဇင်က ကျွန်တော့်ကို ဒီဒုက္ခတွေထဲ ဆွဲသွင်းဖို့ မလိုလားလို့ သူသာ အရာရာ အနစ်နာခံလိုက်သည်။ ကျွန်တော်ထက်၍ ကြေကွဲရသည်။

မျက်နှာ မမြင်နိုင်သော လူနာရှင်တစ်ယောက် အတိတ်က အသံ၊ဟန် သို့ အကြောင်းအရာ၊ အဖြစ်အပျက်တစ်ခုကိုပါ မှတ်မိနိုင်စွမ်း ရှိမရှိဆိုတာ ဦးနှောက်နှင့် အာရုံကြော ဆရာဝန် ကိုယ်သာ ကောင်းကောင်းကြီးသိတယ်။ သဇင်က ကိုယ့်ကို ဘ၀မှာ သက်သက်သာသာ အောင်မြင်နေတာကိုသာ မြင်နေချင်တာကိုး။ သဇင့်ဆုံးဖြတ်ချက်အတိုင်း ကိုယ်နေမှာပါ... မမှတ်မိနိုင်တဲ့.. ဒါမှမဟုတ်... မမှတ်မိချင်တော့တဲ့ သဇင့်ဆီလာပြီး တစ်ချိန်တုန်းက မောင်ကို မမှတ်မိနိုင်တော့ဘူးလား ဆိုပြီး စိတ်ဆင်းရဲ၊ အနှောင့်အယှက်ဖြစ်အောင် မလုပ်ပါဘူး။ ဒါပေမဲ့.. သဇင်ရယ်... ပန်းမြတ်တွေဟာ ဆယ့်နှစ်ရာသီမှာ တစ်ခါစီ ပွင့်တတ်ကြတယ်။ ကိုယ့် ရင်ကပန်း ကတော့ တစ်သက်မှာ တစ်ခါသာပွင့်ပြီး ဘယ်တော့မှ မညှိုးသွားပါဘူး။ ဤစကားတွေကို ကျောခိုင်းထွက်ခွာသွားသော သဇင့်ကို ကြည့်ရင်း စိတ်ထဲ ပြောမိသည်။ ကျွန်တော့်အတွက် ဘာလုပ်ရမည်ကတော့ ရှင်းသည်။ သူမ လက်ရှိ နေထိုင်ရာ ပတ်ဝန်းကျင်မှာ အကောင်းဆုံး နေထိုင်နိုင်အောင်သာ လမ်းပြကူညီရလိမ့်မည်။ ကျွန်တော့ရဲ့အပြုံးပိုင်ရှင် သဇင်။ မနက်လင်း မျက်နှာသစ်တိုင်း အပြုံးချိုချိုနဲ့ ကျက်သရေရှိ၊ လှပတဲ့ မိန်းမပျိုတစ်ယောက်ကို မှန်ထဲမှာ သဇင်တွေ့မယ်။ ဘယ်သူမှန်းတော့ သဇင် သိနိုင်မယ်မထင်ဘူး။ ဒါပေမဲ့လေ... မနက်တိုင်း အဲ့ဒီထာဝစဉ် ပြုံးရွှင်နေတဲ့ မိန်းကလေးတစ်ယောက်ကိုသာ တွေ့မြင်နိုင်ပါစေ... သဇင်... ။ ကိုယ်ကတော့ သူစိမ်းတစ်ယောက်ပါပဲလေ... ။။။



~~~~~~~~

ဆောင်းနှင်း